المكان : حي الصحافة بالقرب من قاعة نواره خلف الهلال الاحمر السعودي باستراحة ابو ليان
الساعة : 1:30 ص
اليوم : ليلة الاربعاء
من المغرب وأخونا أبو ليان مزعجنا يعزمنا على مناسبة جديده له وابو ليان ماتخلص مناسباته كل يوم جايه ضيف
وكل يوم ذابحله ذبيحة وحالته حاله وانا بصراحة مقاطع استراحة ابو ليان من سنين والسبب كثرت عزايمه
المهم الرجال ازعجني ولزم علي لازم تجي ومن هالكلام قلت يالله الشكوى لله الله يعينا عليك ياابو ليان وعلى
عزايمك اللي ماتخلص المهم تعشينا وحشينا بكم واحد من الشباب كالعاده وبعدها قالي واحد من الشباب
الله لايهينك فيه صراف ساب هنا قريب وشرايك نطلع للصراف خمس دقايق وراجعين قلتله توكلنا على الله
المهم بالصدفه مريت من قاعة نواره وإلا هالبانورما الاسود اللي واقفه وبجنبها واحد كشخه مشاء الله عليه
وانا اقول بنفسي ياخي متى يفتحون المجال ويسمحون لنا نشتري بانوراما اقساط ويوم قربت والا ابو سعيد واقف
يابن الحلال عدل بدل من هنا من هناك ياسر مهو ياسر إلا هو ابو سعيد والله هو يالبى قلبه وبصراحه مادريت عن
نفسي وافتح باب السياره بسلم عليه واباركله والا صديقي اللي معاي يقولي الصرافه قدام قلتله لايكثر
اليوم زواج ياسر وهذا هو بالبشت الاسود والشماغ عيني عليه بارده مشاء الله عليه الله لايضره
وننزل نسلم عليه ونباركله والمكان مافيه احد يمكن سياره بس واحنا من جد ياسر مشاء الله عليه بقمة تواضعه
والله لحاله ولا مسوي زحمه ومعاه احد والا حتى احد يبعد الناس عنه رحب فينا وحط البشت بالمقعد الخلفي
وقال حياك الله ياشباب واذا تبون تصورون عند قسم الرجال لانه كان قريب من قسم النساء بس كان مرتبك مره
وذهنه مشتت ماتنلام يابو سعيد
الله يوفقك ياابو سعيد ويسعدك ويرزقك الذرية الصالحة ويبعد عنك الشر ويحميك من عيون الناس
وانا من الفرحه مريت الصرافه وقلت للي بجبني كم تبي عاد هو مايدري وش السالفه قالي هذا ياسر القحطاني
قلت ايه قال وش عرفك فيه قلت وش اللي وش عرفني فيه اعرفه ودايم اطلع معاه واليوم زواجه بس انحرجت من
ابو ليان واعتذرت لياسر عن الحضور والرجال اللي بجنبي على طول صدق
أخيرا :: من القلب ألف ألف ألف مبروووك ياابو سعيد والله يوفقك ويرزقك ويسعدك
الثلاثاء يوليو 08, 2008 10:12 pm