•×•°¦ ديـــــوان الامير نــواف بن فـــيصل•×•°¦

•×•°¦ ديـــــوان الامير نــواف بن فـــيصل(أســير الشـــوق) ¦°•×•

(أخـــتلفـــنا)

اختلفنـا مـن يحـب الثـانـي اكـثـر
واتفقنـا انـك اكـثـر وانــا اكـثـر
مـن عـدد رمـل الصحـا ري مــن
الـمـطــر اكــثــر واكــثــر
كيـف نخفـي حبنـا والشـوق فاضـح
وفـي ملامحنـا مـن اللهفـه ملامـح
عاشقيـن ونبضنـا طفـل حنـون لـو
تزعلانا يسامـح والهـوى شـي مقـدر
هننـي يلـي جميـعـي لــك هـنـا
حـطـنــي بــاخــر مــــداي
طيـرك اللـي مايبـي غـيـرك انــا
ضـمـنـي انــــت فــضــاي
صدقـنـي فـيـك مـغـرم فـيــك
والحيا ايش الحيا اللي مشاهـد ناظـرك
نـهـار لــو تـغـيـب الـشـمـس
كيـف نخفـي حبنـا والشـوق فاضـح
يمك دروبـي وكـل النـاس يدروبـي
وكل قلب لـه حبيـب وانـت محبوبـي
من عيونك صعب تسرقني سواليف البشر
ويـن النظـر وانـت لعيونـي النظـر
الهيام اللي سكـن فينـا تعدانـا وكبـر
وصــار مـثـل الـريـح جـامــح

(أغلـــى حـــبيبـــه)

يسألونـي ليـه احبـك حـب مـا حبـه بشـر
و ليه انتي في حياتـي شمسهـا و انتـي القمـر
و ليه صوتك لا وصل صحراي يملاهـا الزهـر
علميهـم يالحبيـبـه اه يــا اغـلـى حبيـبـه
يسألونـي و ليتهـم مثلـي يعيـشـون الـهـوى
الاصابع في الايديـن الواحـده مـا هـي سـوى
عندهم حبك طبيعـي و عنـدي فـوق المستـوى
اعذريهـم يالحبيـبـه اه يــا اغـلـى حبيـبـه
يسألوني و فـي شفاتـي يرتعـد حـر الجـواب
ما دروا أنتي بحياتي راحتـي و انتـي العـذاب
و أنتي حلمي اللي عشقته و طار بي فوق السحاب
خبريهـم يالحبيـبـه اه يــا اغـلـى حبيـبـه
يسألوني و انتـي اكبـر مـن سوالفهـم جميـع
و أنتي اجمل ما خلق ربي في هالكـون الوسيـع
و اني اتلاشى بـدون عيونـك الخجلـى اضيـع
علميهـم يالحبيـبـه اه يــا اغـلـى حبيـبـه

(ماأنــت رايـــق)

منت رايـق فيـك شـي و متضايـق
مانت في طبعك و لا هـذا مزاجـك
التفت لـي شـوي محتـاج لدقايـق
انا ما صدقـت اشوفـك و انتواجـه
ودي اطفي بشوفتـك نـار الحرايـق
ودي انسى بك ردى الحظ و عجاجـه
عش معي في فرحتي و انسى الخلايق
و اسمع لرعشة خفوقي و احتجاجـه
علم ما بينـك و بيـن المـا عوايـق
من رحيق ازهار روضي و ابتهاجـه
ليه تخفي يا بعـد روحـي الحقايـق
يسألـك قلبـي دخيلـك بـس ناجـه
ويـن عنـي شـارد عنظـره توايـق
مانت في حالة ظـلام و لا سراجـه
آه ياحلـوك عليـك الحـزن لايــق
يا جعل ربي يعجـل فـي انفراجـه
جت تسائلني علامـك منـت رايـق
قلت رايق بس ابكتـب فيـك حاجـه

(هــــلا باللـــي)

هـلا باللـي تمنيتـه سنيـن و شافتـه عينـي
انا شفتك حقيقه حلم هوجاس و سهر و احـلام
كثير اجمل من اللي شفـت و تخيلـت بسنينـي
كثير احلى من الواقع كثير اجمل مـن الالهـام
انا جرحي حملته لـك دخيلـك بـس داوينـي
و نسيني عنى شوقي و همي و لوعـة الايـام
انا ظامي و تدري زين وش اللي منك يروينـي
ابغرق في نهر قربك من اطـراف القـدم للهام
لمحتك قلت مـا شـاءلله يـا شيـخ المزاييـن
على روس العذارى تاج و في وسط الكلام أنغام
حسدت بشوفتك عيني حسدت بلمسـك ايدينـي
و من زيني و لو اني حاسدٍ نفسي ترى ما نلام
خطفت من القمر نوره و صرتي دوم تضوينـي
و لا غيرك يهز القلب و لا غيرك بحضنه نـام
انا احبـك و انـا مـدري تبينـي او تحبينـي
وكاد اني احبك حيل و تموت بوصفك الاقـلام

(على الــبال)

على البال
كل التفاصيل
و أحلى التفاصيل
و الحل والترحال
و النار والهيل
و القمرة اللي
نورت ليلٍ وراء ليل
و النظرة المكسورة
و البسمه المقهورة
و الخطوة المغرورة
و أحلى المواويل
دايم على البال
ما ادري إلى اليوم
و الا الزمان أنساك
يا قلبها قلبي
ما أدري إلى اليوم
توله على مضناك
و الا إنتهى حبي
ما ادري إلى اليوم
و الا الزمان أنساك
يا قلبها قلبي
ما ادري إلى اليوم
توله على نواف
و الا إنتهى حبي
يا قايد الريم
ذكراك ما غيبت عن خاطري ساعه
الروح لك مع صاحب الروح نزاعه
متى الوصل قول باجيك و اسابق الساعه
يا اللي على البال
كم شمس غابت و أنا أشوفك
شمس الضحى اللي تباريني
و إذا منع جيتك خوفك
نورك فلا غاب عن عيني
الحب تدري ما هو بيدي
سيدك تراه الهوى و سيدي
أبيك تبدا مواعيدك
و الا أببدا مواعيدي
يا اللي على البال

(مايــفضح اللي حـــب)

ما يفضـح اللـي حـب الا اخـر اللحظـات
لا مـد كفـه بـالـوداع و صــد بعيـونـه
معلن رايات الأسف و جيـش مـن العبـرات
و بيـن الحنايـا صهيـل خيـول محـزونـة
سلام ياللـي نـاوي الفرقـا عـدد مـا فـات
و تعداد مـا مـر السحـاب و هلـت مزونـه
سلام مـن قلـب سكنتـه انـت و الحسـرات
غـلاي تكفـى يـا مـودع ناظـري صونـه
ارحل و انا بارحل .. معي هم و تعب و سكات
و اسرار مـا بينـي و بيـن الـروح مدفونـه
ارحل ما دام الله كتـب لـك يالحبيـب شتـات
ما لـي علـى حكـم القـدر رايٍ و لا مونـه
ما لي بعدك .. إلا الصبر و مجـاذب الونـات
و قصيـدي اللـي كـل خلـق الله يغنـونـه
و ان طالت الغيبة أبانعي الحب .. لو ما مـات
عسى الهوى بـك يشتعـل و تـردك ظنونـه
باحاول انسى و لو يصيح الشوق بـي هيهـات
و باحاول اسلى و لو يصيـح القلـب باهونـه

(مـــهما يـــقولون)

مهما يقولون مهما صـار مهمـا تـم
أنت البدايات و أخر ساحـل و مينـا
في هرجة النـاس بالعـذال لا تهتـم
لو هم يحسون فينا مـا حكـوا فينـا
ما عقب شرب الصبر و المر و العلقم
شي علـى طـاري الفرقـا يودينـا
حنا اجتمعنا و شمل العاشقيـن التـم
خضنا حروب الهوى فزنـا و ردينـا
اهواك ماهـي مواويـل بهـا اترنـم
ترى المواويـل هـي اللـي تغنينـا
منا الوفـا يـا وفـي الـروح يتعلـم
و كل التعابير تبحـر مـن شواطينـا
حبيب عمري حياة القلب خـل الهـم
تقسي الليالـى و لكـن مـا تقسينـا
و ان كان جدت جدايـد حبنـا اقـدم
و لا عاش راسٍ على الدنيـا يبكينـا

الله الله الله

راااااااااائع النقل

الله يعطيك العافيه

انتظر جديدكـ

تقبلي حياتي بدل تحياتي

Admin كتب:: الله الله الله

راااااااااائع النقل

الله يعطيك العافيه

انتظر جديدكـ

تقبلي حياتي بدل تحياتي

الله يعافيك ويخليك

واسعدني مرورك الرائع