فاتك الحلم

غمضت عيني لأجل اشوفك وشفتك وهذي وصيه منك تذكر وصاتـك..؟

تقول لا من غبـت عنـك اوفقدتـكالحلم خلـه هـو ركيـزة حياتـك

وشفتـك بباهـي طلتـك وسألتـك الى متى نجمـع شتاتـي وشتاتـك

هذا الأمل من يـوم انـي عرفتـك وهذا الرجاء والشوق حدد جهاتـك

شوقي سبق شوقك وانا لك سبقتـك وقلت كلي خذ وانا ارضـى فتاتـك

تسكن كياني وكـل كلـي وهبتـك وش تطلب اكثر قول..آمر..وجاتـك

انـت الـذي بحـروف ود كتبتـك ونقشت باحساسي معانـي غلاتـك

وخطيت في طرس الوله ورسمتـك بريشة هيام وابرزت لـي صفاتـك

وسكبتك بكـأس الغـلا ورشفتـك ورويت من حبك برشفـة شفاتـك

سرقتني من حزن عمري وسرقتـك من حزنك اللي ساكن وسـط ذاتـك

وقربت منـك وقلـت بالله سألتـك غرد بصوتك لا يطـول سكاتـك..؟

فجأه صحيت وكـن للتـو شفتـك هذي سوات الشـوق والا سواتـك

تبغـا الحقيقـه ياحياتـي فقدتـك وتبغا الصراحه فاتك الحلم فاتك..!!!