مساجله بين أحمد الخياط و ناصر الفراعنه

السلام عليكم ورحمة الله وبركاته

هذي مساجله قديمةوحبيت انقلها لكم

وهي للشعراء

احمد الخياط

ناصر الفراعنه ( ابن اليتيم )






احـــــمـــــد الـــخــــيــــاط
ابـن اليتيـم بصفـرة المغـرب ينـادي للزعيـم && && شمـس المعـارف زاد للـي جايـعٍ سبعـة ليـال
ابصم معه واخصم خصيمك وانتـه الليلـه خصيـم && && ارصد نجم واترك نجم واحسب هـلالٍ مـن هـلال
نــــاصـــــر الــفــراعـــنـــه
شمس المعارف مـا يحلّـل لليتيـم اربـعْ حريـم && && ضرْبٍ من السحـر اليهـودي لا دقـاق ولا جـلال
مير انّ سحْر بن اليتيم احمر بِرِيـمٍ فـي الصميـم && && ارب ع مِيَةْ حُـرّة سهَجْهـن لا حـرام ولا حـلال
احـــــمـــــد الـــخــــيــــاط
معلّـم الابلّـم حلـم والعقـل بالجـسـم السلـيـم && && مسـري الجـن بسهـل ومسـري الجـن بجبـال
اربـع ميّـة حـره ولا منهـا ولـد ورث العقيـم && && قيصر ومر سبعـة ملـوك تسـوق قدامـه جمـال
نــــاصـــــر الــفــراعـــنـــه
ضيّعت ميـرادي وراحـت جنـة الساحـر جحيـم && && غـرّب ولا شـرّق وعـوّد لا معـاذ ولا بــلال
ما بين زمزم واسـود الركـن اليمانـي والحطيـم && && صب ّيّت لك دمعة وهم صبّّـوا علـى راسـك دلال
احـــــمـــــد الـــخــــيــــاط
فوفك حميم وحدر رجلـك يشتعـل جمـر وحميـم && && الداب مـد النـاب وراسـه يدفنـه حـدر الرمـال
ظلام فـي بـرزخ وحشـره للصـراط المستقيـم && && طهلول مـا يضـوي بجيشـه لاجنـوب ولاشمـال
نــــاصـــــر الــفــراعـــنـــه
دكّك بمخلابـه شنَـقْ طيـر مـع الهويـة عديـم && && لين ارتجل حِجْل الحَجَـل بيـن الظليلـة والظـلال
نطلاك من غبة بحر ساعـة سحَـر سيـنٍ وجيـم && && حتّى تعوشر لك حُمُر بقعـا علـى وقـت الـزوال
احـــــمـــــد الـــخــــيــــاط
اصبر شهر وانصا شهر فـي قـم طعنـي لا تقيـم && && اصم وابكـم قايـد الاعمـا علـى جـرف وهيـال
الراجمـه فـوق الفهيـم وروّعـت قلـب البهيـم && && امسك حبل وافتل حبـل مـن بيننـا روح وتعـال
نــــاصـــــر الــفــراعـــنـــه
اصفرْ فِشَقْها من دفوفـك فـي كتوفـك يـا كريـم && && الفـاط ر اللـي ضيّروهـا لا عمـام ولا خــوال
بَكْرَةْ هَلَ الساحل غَدَتْ من ضـرب جاهلنـا حطيـم && && ندرج عليها ما مشى حبـل الرِّشَـا فـوق المحـال
احـــــمـــــد الـــخــــيــــاط
يا وسـع عينـك يااليتيـم ابـن اليتيمـه واليتيـم && && ياكبـر عقلـك وابتحـل بيـن الحقيقـه والخيـال
بالساحل الباحل يـذر الملـح فـي عيـن الغشيـم && && والذيب يفرس صيدتـه والجـوع مقسـوم الثعـال
نــــاصـــــر الــفــراعـــنـــه
الوِسْع رحتوا به عقب غيمة صَحُـو يـومٍ عظيـم && && من كلّ شيٍّ شـيْ وشـيٍّ يـا عميلـي مـا يقـال
جسّاسـةٍ قامـت تهـايـا لا بعـيـر ولا ظلـيـم && && لا دبّـرت تلعـب بكـم لعـب العقيلـي بالعـقـال
احـــــمـــــد الـــخــــيــــاط
جرحٍ جـرح مجـروح والجـراح عالجـه السقيـم && && بّش وتباشش رش شاشه بيـن شيـن وبيـن دال
سلـه وسلّـك سايقـه لا هـوب حـي ولا رميـم && && يسكن قطر واقطـر قطرقطـره وخلّـف راسمـال
نــــاصـــــر الــفــراعـــنـــه
بقبق وطقطق يا ولـد مقمـق شمقمـق مستقيـم && && زرك ش وعركش لين افركش كلْ معكرش شلو شال
اركز وعركز لين نركـز مـن ورا المركـز مقيـم && && اروش ودروش لين اقروش عاري المروش شوال
احـــــمـــــد الـــخــــيــــاط
بسم الله الرحمـن تدحـر زمـرة ابليـس الرجيـم && && يرسل جيوشـه فـي ظـلام الليـل لكـن همـلاّل
من بين حايل ناحر الخمسـه وباطـراف القصيـم && && لا حول لاحيله مـع المحتـال يـا صعـب المنـال
نــــاصـــــر الــفــراعـــنـــه
اقرى ثلاث من السوَر واختـم بسـورة( لام ميـم) && && والآي تين المطلقـة سـرد الخيـول مـن البغـال
راحت سواليف المسولف مثـل قولة(سيـم سيـم) && && والشع ر ديوان العرب ما هوب سحـر امّ الخـلال
احـــــمـــــد الـــخــــيــــاط
فكيت لي صندوق مقفل في رصـاص وفـي لحيـم && && قريـت فيـه حـروف حمـرا للاجابـه والسـؤال
ليـا سـرى رد البـرا والحلـم نعـمـه للحلـيـم && && وان طش غيظه ما تـرده فالثـرا صايـل وجـال
نــــاصـــــر الــفــراعـــنـــه
صندوقكم سِفْرٍ مـن التـوراة فـي العهـد القديـم && && مـوي ة وسيعيـن المذاهـب لا همـاج ولا زلال
والغيض ترثة بيـض قيـض لا وسيـم ولا دميـم && && مثـل الوجيـه مْكـوّراتٍ لا قصـار ولا طــوال
احـــــمـــــد الـــخــــيــــاط
درويش وبقلبه خبـر فـي كـل وادي بـه يهيـم && && الاصمعـي والنابغـه وقّـف يجادلـهـم جــدال
ليا ابرقت وارعد رعدها فـوق راسـك هـل ديـم && && ارتاع قلبك واختلـف عقلـك بـلا حـرب وقتـال
نــــاصـــــر الــفــراعـــنـــه
ابشر يمسفر بالعوافـي مـا ورا المضيـوم ضيـم && && مثله مثل نجـم الزبانـا مـا يقـدّي وجـه ضـال
والذيب ما قصّـت حـراوي جرّتـه حمـرا نعيـم && && السرح ما هو خيـزرانٍ مـا تميـل الريـح مـال
احـــــمـــــد الـــخــــيــــاط
يا طالب العونات ما من لـون فـي حـال العديـم && && يا قـو قلبـك صابـرٍ مـا بعـد شديـت الرحـال
سادت وبـادت والعلـم مركـوز باقـي يـا تميـم && && يا ابن اليتيم أخذ العبر فرعـون لـك منهـا مثـال
نــــاصـــــر الــفــراعـــنـــه
لا بالله امـا انتـه فقلبـك مثـل قولـة يـا نديـم && && صعبٍ وسهْلٍ والعلـم مـن بينكـم شـق السمـال
يا زينكم يـا شينكـم بيـن الأدامـي شفـت ريـم && && راحـت روادف ذودكـم لمسـرّي جنونـه قـلال
أنته في قلبك علم والمجنـون عايـش فـي نعيـم && && العلم نورٍ والجهـل يرميـك فـي بحـر الضـلال
يا هونكم ياكودكـم سـاري سرابـك وانـت نيـم && && مسـري جنونـه عليـه الوسـم واضـح مايـزال
كحلٍ مـن البـارود تـوّك تنتبـه لـه يـا سحيـم && && راحـت عليـك الاوّلـة والثانـيـة مـلـحٍ زلال
من قال أصحاب الكَهَف هم نفس أصحـاب الرقيـم && && وش لون تاسـم والمياسـم حقّهـا بُـرق الحـلال




وسلامتكم
اتمنى ان تحوز على رضاكم