نوت و ملوك الجن

السلام عليكم ورحمة الله وبركاته

قصيدة نوت وملوك الجن للشاعر ناصر الفراعنة السبيعي والتي اصبحت حديث المنتديات لما فيها من الغموض وقوة التركيب اللفظي والمعنوي واحكام والوزن والقافية
والحقيقة ان الزيادة في مدحها نقص
وسبب القصيدة هو ان احد كبار شعراء الكوين وهو الشاعر احمد الخياط
حيث سأله عن نوت التي تكرر ذكرها في أحد قصائده وذلك في قصيدة نظمها الشاعر احمد مدح فيها الشاعر وفيها سأله عن نوت

فرد عليه بهذه القصيدة التي حيرت علماء الأدب والتاريخ لما فيها من المعلومات التي لا يعرفها الا اهل العلم





على قبر اليتيمه نـوت ثوبـي بالخـلا شقّيـت &&&&
ذكرت الله وشبّت في ضلوعـي حـربٍ أهليّـة

عقب وِتْر السبع والخمس والتسبيح والتسميـت &&&&
طيور الما على سلمـى تغنّـي (طـاق طاقيّـة)

على باقي عرَق ساقي زجاجـة كاهـنٍ شمّيـت &&&&
على قِرْنـة حجاجـه نجمـة السِبْـط اليهوديّـة

على الجنب التهامي لبّسوني خرقةٍ فـي زيـت &&&&
تلالى مثل واري جمرةٍ فـي حـوض صفريّـة

على ساقة ملوكٍ من بـلاد الرافديـن أضحيـت &&&&
أركّب سـنّ واقلـع سـنّ لـو مالـه ولا ليّـه

وفي ريشة جناحٍ من حمام الأخشبيـن ادويـت &&&&
امّذْرِع شان واقـرع شـنّ وآبرقـع نصيريّـة

وعلى ظهر النعامة سافروا بي سبعةٍ من هيـت &&&&
إلى أعتى شعـوب الأرض الادنيّـه والاقصيّـة

ذبحت العبد الادريسي ونِجْـل الطاغية:حِبْرِيـت &&&&
بأرض المغرب الأقصى طبخت من اللحـم نيّـة

على تابوت نوت احيا واموت افنيت ما ابقيـت &&&&
ضربت الطار واجتاحـت عبيـد الـزار كونيّـة

على قبر اليتيمة نوت أجدّد حسرتـي لا جيـت &&&&
وأقبّـل ضاحكـات المـوت تحتيّـة وفوقـيّـة

على شانك ينوت اعميت خطلان البشوت اعميت &&&&
أقـارع كـل ذو سِـدْنٍ وذو خِـدْنٍ وكوفـيّـة

على شانك ينوت ادميت روس الخاينين ادميـت &&&&
أسرّج مِـرْج أمـرّج سِـرْج علويّـة وسفليّـة

على شانك ينوت اضرب بحدّ مْصقّـلٍ إصليـت &&&&
وكدنـا ننتهـي لـولا خيانـة عيـد الألفـيّـة

خبيثٍ من بني قومي سقاني حامـض الكبريـت &&&&
قرَت وسطه عجوزٍ من ذوي حضـرم ظفاريّـة

وبسم اللي لهول اسمه تزلزل منبـر السوفيـت &&&&
نحَرهـا اعلـى ظهرهـا جُبّـةٍ بالسـمّ مطليّـة

ثلاث دهور اصارع نافثات الـزرو مـا ذلّيـت &&&&
أغيّب شمس وادفن رمْـس والأصنـام مرميّـة

ثلاث ازمان أداقش مسرجات الجانّ في تكريـت &&&&
ثلاث ازمان تمْرخ لـي ملـوك الجـانّ رجليّـة

ثلاث سنين اعافـر نافخـات الطيـن ماولّيـت &&&&
ثـلاث سنيـن أكفّـن قاريـات التيـن بيديّـه

وثلاث شهور ألاعي نازلات الطور مـا ملّيـت &&&&
اجاوب جنب خيمـة ضاربـات الطنـب طبليّـة

وثلاث ايّام تنعاني سرايـا يـام ليـن اصغيـت &&&&
أقدّم كـوع اوخّـر كـوع يـا بيّـي ويـا بيّـه

لذي الفيروز سادن معبـد النيـروز مـا لبّيـت &&&&
لغير الواحـد المعبـود مـا أبديـت مـا فيّـه

بوادي برْك طارت بي حراير تُرْك يوم امسيـت &&&&
أعاشر ليـل عاشـر كـل ذي حمـراً نميريّـة

طباين سبْك تدبْك دبّك ساع اقبلت ساع اقفيـت &&&&
لسرْدٍ شـرْد جـرْد مـرْد اصيّـح كـل قيسيّـة

ببطن القِرْش اعشّي حايمات العـرش ماغدّيـت &&&&
وحرْش الطرْش اورّدها قليب الهرش عصريّـة

بوجه الحوت جلّ اللي خلقنـي ضيغـمٌ صنتيـت &&&&
هِزَبْرٍ مـا تحـرّك منـه ساكـن ألـف سكنيّـة

ورب البيت ما خلّيت منهـم بيـت مـا هدّيـت &&&&
أهـدّم دور وابـنـي دور والآيــات متلـيّـة

هل المزمـار عبّـادة لسـان النـار والباكيـت &&&&
بني الإفْرَنْج قـومٌ مـن فـروج الزنْـج مبليّـة

بكى سابور ذو الأكتاف في قصر الملك بلْهيـت &&&&
على نَيْكـل سقيفـة عابـد الهيكـل ضحاويّـة

تغطرس بِطرس النقرس وجينا له على التوقيت &&&&
من ارض الفرس وارض الروم جبنا القوم منهيّة

بعمّا والنبا والخمس من سـورة سبـأ شدّيـت &&&&
بقوّة مـا تواتـر فـي الليـال العشْـر مكيّـة

أقمنا دولـة الأيتـام مـن حِلّـي إلـى حِلّيـت &&&&
وآخـر عهدنـا مـا أورَدَتْ ليلـى الأخيلـيّـة

وانا ما هاضني فيما على بيض الورَق خطّيـت &&&&
شجـاعٍ لقّبـوه :أحمد.ولـه شلفـا وشبـريّـة

أعرف أحمد إلى جاء جاء وانا لا شلت ما حطّيت &&&&
تحامينا علـى وضـح النقـا والأرض محميّـة