منهو غيرك

يعني لو ارحل واباعـد تعتقـد انـي نسيـت
لاوربـي مانسيتـك يابعـد كـل الـوجـود
طيفك يـراود خيالـي لاضحكـت ولابكيـت
عايش ٍ دايم فـي بالـي مانويتـك بالصـدود
منهو غيرك صار يسمع شكوتي لامن شكيـت
منهو غيرك مد كفة بأجمـل واحلـى الـورود
منهو غيرك يعتنيبي لامرضـت ولاصحيـت
منهو غيرك صار همه كيف اروح وكيف اعود
منهو غيرك يحتريني كان في لحظـه بطيـت
منهو غيرك حث قلبـي للتحـدي والصمـود
منهو غيرك ترجف ايده لازعلت ولارضيـت
منهو غيرك عاف زادة لجـل حبيلـه يـزود
منهو غير امـي يفـز ويذكـر الله لاحكيـت
يوم انا طفل ٍ صغير ٍ وفي عواطفهـا تجـود
منهو غيرك يبتسملي لو بخلت ولـو عطيـت
منهو غيرك لاظهرت يخاف من عين الحسود
منهو غيرك منهو غيرك منهو غيرك ماهقيـت
ماهقيـت الا عيونـك تنتظرنـي بالـوجـود
انتي اجمل حب عشته دام في الدنيـا حييـت
وانتي اروع حب بالاوطـان ماحـد بحـدود
وانتي القمرا بدربي فـي ظلامـي لاسريـت
وانتي الحب المخلـد فـي سجـلأت الخلـود